حلوى مثلجة و سهلة بزآآآآآف

لتحضير هاد الحلوى المثلجة نحتاج:
مركز الكراميل نيسليه ( كايتباع في المحلات التجارية)
علبة كريم شانتيي
نصف لتر حليب كامل معقم ( جودة او سليم)
علبة جبن ابيض ( المعروف ب جوكي )
و ساشي ديال القهوة ديال درهم
طريقة التحضير :
تانخفقو الكريم شانتيي مع الحليب حتى توجد و تانزيدو الكراميل و جوكي و كانطربو مزيان ب الطراب الكهربائي حتى كانحصلو على شكل كريمي ( و راه تايخرّج بزاف)
من بعد تاناخدو شي 3 او 4 معالق من الخليط و تانزيدو عليه القهوة ( هادا للتزيين)
تانفرغو الخليط في قالب حلوى كبير لي تانكونو غلفناه بورق الاليمينيوم و تاندخلوه للمجمد
مني تايبدا يجمد تانزينوه بالخليط لي درناه مع القهوة بالشكل لي بغينا و تانردوه للمجمد لمدة 8 سوايع و تانقدموه بالصحة و الراحة